බියගුල්ලකු වූ හිට්ලර්

සමස්ථ ලෝකයම ලේ විලක් කිරිමට යත්න දැරූ හිට්ලර් නිර්දය ලෙස සරදමට ලක් කරමින් ඔහු අතිශය බියගුල්ලකු බවට පත් කරවුයේ ලොවට සිනමා යුගයක් බිහි කළ චාලි චැප්ලින් තම නිර්මාණයක් වූ ‘’ The Grate Dictator’’ තුලිනි. සැබෑ ලෙසම  හිට්ලර් වනාහී අතිශයින්  බිය මුසුව තම ජීවිකාව ගෙවූවකු වේ. එය ඔහුගේ ජීවිතය දෙස විමර්ශනාත්මකව බලන්නකුට ඔහුගේ චර්යා තුලින්  ඒ බව අවබෝද වේ.

                       ලිපි ලේඛන කියවිමට උපැස් යුවලක් භාවිතා කළ හිට්ලර්  එය මහජනයා දැන ගනිතී යැයි බියකින් පසු වූ අතර ඒ සදහා මජනයා ඉදිරියේදී සිදු කළ කතාවන් සටහන් කර ගැනීම සදහා වෙනම ම යතුරු ලියනයක් භාවිතා කරනු ලැබීය. තවද හැගීම්  කුපිත කරවිමට සමත් කථිකයකු වුවද  ඔහු තම කතාව වැරදීමට ඇති බිය අවම කර ගැනීම සදහා කැඩපත ඉදිරියේදී බොහෝ වරක් කතාව සිදු කිරීම සදහා පෙර පුහුණු වීම් වල නිරත වුවේය. 

                                   හිට්ලර් වනාහී තම සෞඛ්‍ය පිළිබදවද දැඩි බියකින් පසු වූවකු විය උදරය ඉදිරයට නෙර එතැයි සිතු ඔහු  අබිං මිශ්‍ර එන්නතක් ලබා ගත් අතර ඉන් පසුව එහි විෂ නැසීමට එන්නතක් ද ලබා ගනු ලැබුවේය. උදරාබාධයකින්  පිඩා විදි ඔහු තම සංවේදී කතා සිදු කරන අතරවාරයේ එම වේදනාව ඉස්මතු වීම වැලක්විමට එන්නතක් ලබා ගත් අතර එහි විෂ නැසීමට ද  එන්නතක් ලබා ගත් බව වාර්තා වේ.

                                 තමා විනාශ කිරිමට බොහෝ දෙනකු මනා බලති සිතු ඔහු තම ආහාර සදහා අවශ්‍ය වන බෝග තම ගෙවත්තේදී ම වෙනම භූමියක වගා කළ අතර  ඊට භාවිත කරනු ලබන පස මෙන්ම යොදනු ලබන ජලය පවා නිතර නිතර පරික්ෂා කරනු ලැබීය. අවසන් මොහොතේදී තම ප්‍රතිවාදීන්ට මුහුණ දිමට තරම් දිරිමත් නොවූ ඔහු වසර ගණනක් ඇසුරු කළ පෙම්වතිය විවාහ කොට ගත් දිනට පසු දින සිය දිවි නසා ගනු ලැබුවේය.

                         මේ අනුව සමස්ථ දියතම තම අණසකට නතු කර ගනිමට යතන දැරූ මහා ආ{dදායක ‍හිට්ලර් තම දිවි පෙවත අධික බියකින් ගෙවූ බව සනාථ වේ. ඉන් ධ්වනිත වනුයේ ලෝකයා හමුවේ ප්‍රබල ප්‍රතිරූපයන් මවාගෙන සිටිනා කවරකු වුවද ලොවට හෙළි නොකරන ප්‍රබල ප්‍රතිවිරෝධී චරිතයක් තමන් තුලම සගවාගෙන සිටිනා බවය. ලෝ දහම අවබෝද කොට ගත් සත්ත්වයන් ලෙස අප එවැන්නන්ට අනුකම්පා කරනු හැර කළ හැකි අන් කිසිවක් නොවේ. තවද අප අවබෝද කොට ගත යුතු ධර්මතාව වනුයේද අප ලොවට මවනා ව්‍යාජ ප්‍රතිරූපය ඉක්මවා ගිය සැබෑ ස්වරුපය සමජයට අප නොදැනුවත්වම හෝ අපේ ක්‍රියාකලාපය තුලින් දෘශ්‍යමාන වන බවය. එහෙයින් මා මම ම මිස සමාජය හමුවේ අන් කවරකු හෝ නොවිය යුතුය.